Facebook’даги «Водители Ташкента» гуруҳига 7 март куни юкланган Андижондаги самолёт сурати қизғин муҳокамаларга сабаб бўлди.
Суратда турар-жой мавзесида «Ўзбекистон ҳаво йўллари»га хос услубда бўялган Як-40 самолёти устунларга ўрнатилган ҳолда ҳавода тургани акс этган. Фотохабар остида фикр билдирганларнинг аксарияти, жумладан, фото муаллифи ҳам сурат Андижонда, «Малика» бозори яқинида олинганини қайд этган.
Баъзи комментаторлар бу самолётнинг ўрнатилганини 25 йилдан ошганини таъкидлаган, бу ерда авваллари кичик кинотеатр, кейинроқ катта кафе бўлгани, ҳозирда эса музқаймоқ сотилиши ҳақида ёзган. Фойдаланувчилардан бири шу самолётнинг бир неча йил аввалги ҳолати акс этган суратни ҳам юклаган.
Изоҳ (0)