Фарғона вилоятида 8 март — Халқаро хотин-қизлар куни байрами муносабати билан «Камолот Такси» лойиҳаси ўтказилмоқда. Бу ҳақда «Камолот» ЁИҲ Фарғона вилояти Кенгаши ахборот хизмати «Дарё»га маълум қилди.
Лойиҳа доирасида 8 март куни барча оналар, аёллар, қизалоқлар «Камолот» ЁИҲ вилоят Кенгашига тегишли автобус ҳамда енгил машиналарда ўз манзилларига бепул етказиб қўйилади. Ушбу лойиҳага 100 нафарга яқин «Камолот» фаоллари жалб этилган.
«Уларнинг асосий вазифаси — хотин-қизларимизни ўз манзилларига эсон-омон етиб боришларига кўмаклашиш, уларни байрам билан табриклаш ва дил изҳорларини билдиришдан иборат. Шунингдек, ‘Камолот’ фаолларининг хотин-қизларимизга аталган галоҳида сюрпризлари ҳам бор», — дейилади вилоят Кенгаши ахборотида.
Изоҳ (0)