Ўзбекистондаги чет эл автосалонлари: нима, қачон, қаерда, неча пул?

Ўзбекистон ўз автомобилсозлик соҳасига эга мамлакатлардан бири. Мамлакатимизда ҳар йили минглаб енгил автомобиллар, юк машиналари ва автобуслар ишлаб чиқарилмоқда. Автотранспорт воситаларига бўлган талаб эса кундан-кун ўсиб бормоқда.

Кимдир кўпдан бери хорижий люкс автомобилни бошқариш орзусида юрган бўлиши мумкин, яна бировнинг эса ўз тадбиркорлик субъекти ёки фермер хўжалиги учун мос юк ташувчи ёки хизмат кўрсатувчи махсус автомобилга эҳтиёжи бор. Хамёнбоп оилавий универсал автомобиллар (wagon’лар) эса, бахтга қарши, ҳозирча Ўзбекистонда ишлаб чиқарилаётгани йўқ. Шундай вақтда хориж автомобиллари билан савдо қилувчи автосалонларга мурожаат қилиш зарурати туғилади.

«Avtobor.uz» билан ҳамкорликда ҳозирги кунда ўзбекистонлик харидорларга хориж автомобилларини сотиш ва етказиб бериш бўйича хизмат кўрсатаётган компаниялар ҳақидаги маълумотларни Сизга тақдим этамиз.

Evergreen Motors (KIA)

Жанубий Кореянинг илғор автомобиль ишлаб чиқарувчилардан бири ҳисобланган Kia Motors’нинг Ўзбекистондаги расмий дилери Evergreen Motors компанияси ҳисобланади. Ҳозирги вақтда ушбу компания Ўзбекистондаги харидорлар учун Жанубий Кореяда ишлаб чиқарилган Kia Cerato, Kia Optima, Kia Cadenza, Kia Quoris седанлари, Kia Rio, Kia Picanto хетчбеклари ҳамда Kia Sportage, Kia Sorento йўлтанламасларини таклиф қилмоқда.

Одатда харидор ўзига маъқул автомобилни Evergreen Motors’нинг Тошкентдаги автосалонидан топа олади ва ўз машинасини 1—7 кун ичида олиб кетиши мумкин. Автомобильлар нархига келсак, бу унинг етказиб бериш қийматини ҳам ўз ичига олган сумма ва божхона тўловларига қараб ўзгаради. Масалан, харидоргир Kia Optima’нинг нархи модификациясига қараб 26 600 доллардан 28 400 долларгача, божхона тўловлари эса 78,7 миллион сўмдан 81,6 миллион сўмгача фарқланади. Тафсилотлар.

Avtoban Group («УАЗ» ва Chevrolet Niva)

Агар ов қилиш ёки балиқ тутиш, табиат қўйнида дам олиш, бир сўз билан айтганда — йўлсиз жойларда вақт ўтказишни хуш кўрсангиз, мос автомобиль эгасига айланишда Avtoban Group Сизга энг яхши кўмакчи бўлади. Мазкур компания Chevrolet Niva ихчам йўлтанламаслари ҳамда афсонавий «УАЗ» автомобилларини Ўзбекистондаги дилери ҳисобланади. Айниқса, «УАЗ» борасида танлов жуда кенг — янги «УАЗ Patriot», «УАЗ Пикап» ва «УАЗ Хантер»дан ташқари, энг янги «УАЗ Карго» пикапи, фермерлар ёрдамчиси — «УАЗ Фермер» («УАЗ-39094»), йўловчи, юк, нон ва бошқа юкларни ташишга ихтисослашган турли модификациядаги «УАЗ»лар, хуллас, халқ орасида «Буханка» номи танилган «УАЗ»ларнинг 20 га яқин кўринишидан бирини буюртма қилиш мумкин. Автомобильларни халқаро тўлов карталаридаги хорижий валюта ҳисобига сотиб олиш мумкин, бундан ташқари, жисмоний шахсларда пулни бир йил давомида бўлиб тўлаш имкони ҳам бор. Бу автосалонда харидор 4 соат ичида автомобиль эгасига айланиб, уйига янги Нива ёки «УАЗ»да қайтади. Тафсилотлар.

Audi Center Tashkent

Жаҳонга машҳур автоишлаб чиқарувчилардан бири, масалан, Audi томонидан тайёрланган автомобилни сотиб олиш истагингиз бор. Бунинг учун Ўзбекистондан ташқарига чиқиш шарт эмас — Audi AG автоконцернининг расмий импортчиси ҳисобланган Audi Center Tashkent компанияси дидингиз га мос Audi’га буюртма бериб, истагингиздаги автомобилни 60—90 кун ичида етказиб беради. Автомобильларга икки йиллик кафолат берилади (бу давр мобайнида автомобиль неча километр йўл босгани аҳамиятсиз), Тошкентда хизмат кўрсатиш маркази ҳам бор. Нарх эса, ҳар бир автомобиль индивидуал равишда йиғилгани сабаб, буюртмага қараб ўзгаради. Агар харидорга маъқул автомобиль автосалоннинг ўзида мавжуд бўлса, пул 100 фоиз ҳажмда тўланади. Агар Audi AG’га буюртма бериш керак бўлса, у ҳолда дастлаб автомобиль қийматининг 30 фоизи олдиндан тўланади, автомобиль ишлаб чиқарилиб, етказиб беришга тайёр бўлганидан сўнг қолган 70 фоизи тўланади. Тафсилотлар.

Roodell (Lada)

Roodell компанияси — «АвтоВАЗ» (Россия) концернининг Ўзбекистондаги расмий импортчисидир. Компания «АвтоВАЗ»нинг барча моделлари — Kalina, Granta, Largus, Lada 4x4, Vesta, Xray’ни, унинг «ВИС Авто» ва «Бронто» каби шуъбалари томонидан тайёрланган моделларни (Lada Granta ва Lada 4x4 базасидаги пикаплар, «Бронто»лар (узунлаштирилган «Нива»лар), шунингдек, янада такомиллаштирилган Lada 4x4 (қадрдон «Нива»), «Рис» ва ботқоқдаюрарларни етказиб беради. Албатта, махсус автомобиллар (дейлик, ўша ботқоқдаюрарлар) бўйича алоҳида келишиш керак, бироқ Lada Kalina, Lada Granta ва Lada 4x4 каби оммабоп моделлар Roodell автосалонида ҳар доим бор ва харидор автомобиль пулини тўлаб, уни ҳайдаб чиқиб кетаверади. Тўлов халқаро тўлов карталари орқали амалга оширилади, чегирмалар бор, акциялар мунтазам равишда ўтказиб турилади. Қайд этиш жоиз, Lada Vesta савдолари юқори бўлиши кутилмоқда. Тафсилотлар.

Premium Avto (BMW ва Nissan)

BMW ва Nissan’нинг Ўзбекистондаги расмий вакили ҳисобланган Premium Avto компанияси мазкур брендларнинг автомобилларига буюртма бериш, сотиб олиш ва техник хизмат кўрсатиш бўйича хизматларни кўрсатади. BMW’лар индивидуал буюртма бўйича тайёрланади, шунинг учун бу борада аниқ бир нархни айтиш қийин. Nissan’лар нархи эса класс ва моделига қараб фарқланади. BMW учун пул еврода, унинг божхона тўловлари эса сўмда тўланади, Nissan учун эса нақд пулда тўлов қабул қилинади. Автомобильлар 60—90 кун ичида етказиб берилади ва BMW’ларга, қанча йўл босишидан қатъий назар, уч йилгача, Nissan’ларга эса икки йилгача (ёки 50 000 километр йўл босгунича) кафолат берилади. Автомобильларга бирор кор-ҳол бўлса, Тошкентда сервис-марказ бор. Premium Avto орқали оригинал эҳтиёт қисмларга буюртма бериш ҳам мумкин. Тафсилотлар: BMW ва Nissan.

Sardor-Avto Invest (ZAZ, LADA, «УАЗ», «ГАЗ»)

Масалан, Сизга ZAZ Forza жуда маъқул келди ва сотиб олмоқчисиз. Унда Sardor-Avto Invest’га марҳамат (ҳа-я, ZAZ’нинг Forza’дан бошқа моделлари ҳам бор — Vida седани ва хетчбеки, Sens фургони). Юк ёки йўловчи ташийдиган «Газел» керакми? Sardor-Avto Invest’га марҳамат! Бу ерда, шунингдек, Toyota, Hyundai, Mercedes-Benz микроавтобусларини ҳам топиш мумкин ва бу ҳам ҳали ҳаммаси эмас (масалан, Sardor-Avto Invest таклиф қиладиган махсус техникалар ҳақида умуман индамадик). Автомобильлар учун божхона тўловлари тўлиқ автосалон томонидан амалга оширилади. Пул тўлаш усули эса автомобиль маркаси ва моделига қараб ўзгаради. Агар харидорга керакли машина автосалонда йўқ бўлса, унинг қиймати олдиндан 85 фоиз тўланади. Буюртма қилинган автомобиль узоғи билан 1,5 ойда харидорга етказиб берилади. Тафсилотлар.

Dongnam Uz Motors (Hyundai)

Hyundai Motors’нинг Ўзбекистондаги расмий дилери ҳисобланган Dongnam Uz Motors автосалони ўз харидорларига Hyundai Accent, Elantra, i-40, Sonata, Tucson, Santafe, H-1 (Grand starex), Genesis ва Eqqus моделларини таклиф қилмоқда. Genesis ва Eqqus автомобиллари буюртма асосида (90—120 кун ичида) етказиб берилади, қолган моделлар Тошкендати автосалоннинг ўзида мавжуд. Компнаия таклиф қилаётган энг арзон седан — Accent’нинг нархи 19 000 доллар, энг қиммат (Genesis ва Eqqus’дан ташқари) — Sonata’нинг нархи эса 45 000 доллардан бошланади. Hyundai эгалари учун махсус сервис-марказ ва эҳтиёт қисмлар дўкони ҳам фаолият кўрсатади. Тафсилотлар.

«Avtobor.uz» сайти чет элда ишлаб чиқарилган автотранспорт воситаларини Ўзбекистон ҳудудида сотиш билан шуғулланувчи юқорида қайд этилган компанияларнинг барчаси билан ҳамкорликда ишлайди. Бундан ташқари, «Avtobor.uz» сайтида Mercedes-Benz, «Газел», Хитойнинг Lifan, Chana, Dong Feng каби брендлари билан савдо қилувчи автосалонларнинг таклифлари билан танишиш мумкин. Сотилаётган автомобиллар борасида янада кўпроқ таклифларни кўриб чиқиш истагида бўлсангиз, унда «Avtobor.uz»га ўтишингизни тавсия қиламиз.

Реклама ҳуқуқи асосида