Шахмат бўйича 2016 йилги жаҳон чемпиони унвони учун ўтказиладиган ўйин соврин жамғармаси миллион доллардан ошади. Бу ҳақда, «РИА Новости» хабарига кўра, Халқаро шахмат федерацияси президенти Кирсан Илюмжинов айтиб ўтди.
«Соврин жамғармаси миллион доллардан ошади, ғолиб бу маблағнинг 60 фоизини қўлга киритади», — деди Илюмжинов.
Ўйин ноябрь ойида Нью-Йоркда ўтказилади. Унда жаҳон чемпиони, норвегиялик Магнус Карлсен Москвада 11—28 март кунлари ташкиллаштириладиган номзодлар турнири ғолиби билан учрашади.
Москвадаги мусобақада америкалик Фабиано Каруана, Хикару Накамура, россиялик Сергей Карякин, Пётр Свидлер, ҳиндистонлик Вишванатан Ананд, болгариялик Веселин Топалов, голландиялик Аниш Гири ва арманистонлик Левон Аронян қатнашади.
Изоҳ (0)