Бугун, 26 февраль куни Швейцариянинг Цюрих шаҳрида ФИФАнинг янги раҳбарини тайинлаш учун сайлов бўлиб ўтди. Унда УЕФА бош котиби Жанни Инфантино ғолиб бўлди. Бу ҳақда «Чемпионат» хабар бермоқда.
Овоз беришнинг биринчи босқичида Инфантино 88, Шайх Салмон бин Иброҳим ал-Халифа 85, Иордания шаҳзодаси Али ал-Ҳусайн 27 ва Жером Шампань 7 очко тўплади. ФИФА президентлиги лавозимига даъвогарлик қилган Жанубий африкалик Токио Сехвали эса овоз бериш бошланишидан олдин ўз номзодини қайтариб олди. Номзодлардан ҳеч бири овозларнинг учдан икки қисмини йиға олмагани учун иккинчи тур ўтказилди.
Иккинчи турда эса овозларнинг 50 фоизидан ортиғини тўплаш кифоя қилар эди. Жанни Инфантино 115 та овоз тўплаб, ғолибликни қўлга киритди. Шайх Салмон 88, шаҳзода Али эса 4 та овоз йиғди.
Шу тариқа, Жанни Инфантино 4 йилга ФИФА президенти этиб сайланди.
Изоҳ (0)