Тошкент аэропортига фавқулодда қўнишга мажбур бўлган Россиянинг AZUR air авиакомпаниясига тегишли Boeing 767-300 самолёти йўловчилари барча зарур нарсалар билан таъминланган. Бу ҳақда, Россиянинг Ғарбий Сибир транспорт прокуратураси расмий вакили Оксана Горбуновага асосланиб, «РИА Новости» агентлиги хабар бермоқда.
«Авиакомпания вакилларининг сўзларига кўра, ҳозирги вақтда йўловчилар барча зарур нарсалар билан таъминланган. Шунингдек, уларга иссиқ овқат тарқатилган», — дейди Горбунова.
Маълумот учун, AZUR air самолёти 26 февраль, жума куни маҳаллий вақт билан 5:38 да Тошкент аэропортига фавқулодда қўнди. Хабар беришларича, мажбурий қўнишга мойнинг паст даражаси датчиги ишлаб кетгани сабаб бўлган.
Лайнернинг фавқулодда қўниши ҳолати юзасидан Россия Тергов қўмитаси текширув ишларини бошлаган. «Ўзбекистон ҳаво йўллари» вакилларининг маълум қилишича, AZUR air техник ёрдам сўраб Ўзбекистон авиакомпаниясига ҳозирча мурожаат қилмаган.
Изоҳ (0)