Россия таркибига кирувчи Коми Республикасининг Воркута шаҳридаги «Шимолий» конида авария содир бўлди, дея хабар бермоқда Meduza. Натижада икки кончи ҳалок бўлди.
Ҳуқуқни ҳимоя қилиш органларидаги манбасига таяниб, «ТАСС» маълум қилишича, қурбонлар жасадлари қутқарувчилар томонидан топилган.
Шунингдек, ҳодиса натижасида саккиз киши жабрланди, 79 киши эвакуация қилинди.
25 февраль куни қазилаётган конга ёндош тоғ жинсининг бир қисми емирилиши натижасида «Шимолий» конида ўпирилиш юз берди. Турли маълумотларга кўра, авария чоғида ер остида 105 дан 110 нафаргача одам бўлган. Кон ўз ишини тўхтатди, қутқарувчилар кончиларни эвакуация қила бошлади.
Изоҳ (0)