Тошкентда 26 февраль куни ҳаво ҳарорати +22 даражагача кўтарилиши кутилмоқда

Ўзбекистонда 26 февраль, жума куни ҳаво ўзгариб туради, ёғингарчилик кутилмайди. Бу ҳақда «Ўзгидромет» маркази хабар берди.

26 февралга ўтар кечаси Қорақалпоғистон Республикаси, Хоразм, Тошкент, Самарқанд, Жиззах, Сирдарё вилоятлари ва Тошкент шаҳрида ҳаво ҳарорати +10 даражагача илиқ бўлади. Бухоро, Навоий, Қашқадарё ва Сурхондарё вилоятларида +12, +13 даражагача, Фарғона водийси вилоятлари ва Ўзбекистоннинг тоғли ҳудудларида эса +7, +8 даражагача илиқ бўлиши кутилмоқда.

26 февраль куни кундузи Ўзбекистоннинг тоғли ҳудудлари, шунингдек, Қорақалпоғистон Республикаси ва Хоразм вилоятида +15 даражагача, Тошкент шаҳрида +22 даражагача, Тошкент, Самарқанд, Жиззах, Сирдарё, Андижон, Наманган, Фарғона вилоятларида эса +23 даражагача илиқ бўлади.

Жума куни кундузи Бухоро, Навоий, Қашқадарё ва Сурхондарё вилоятларида ҳаво ҳарорати +20...+25 даража илиқ бўлиши кутилмоқда.