Йўловчи самолётларида йўловчилар ва экипаж аъзолари литий-ионли батареяларни шахсий электрон қурилмалари орасида ташиши мумкин. Бу ҳақда Халқаро фуқаролик авиацияси ташкилоти (ICAO)га таяниб, «ТАСС» хабар қилмоқда.
Олдинроқ ICAO литий-ионли аккумуляторлар партиясини йўловчи самолётининг юк бўлмаларида ташишни вақтинча тақиқлаганди. Юк самолётларида бундай товарларни ташиш тақиқланмайди.
«Чеклов фақат йўловчи самолётларида юк сифатида ташиладиган литий-ионли батареяларга дахлдор ва у йўловчи ҳамда ҳаво кемаси жамоасининг шахсий электрон қурилмаларига нисбатан қўлланилмайди», — дейилади ташкилот хабарида.
ICAO мутахассисларининг фикрича, замонавий маиший электрон техникада қўлланиладиган литий-ионли батареялар ўз-ўзидан ўт олиши ва ёнғин келтириб чиқариши мумкин. Бу эса парвоз чоғида ҳаво транспортига нисбатан жиддий хатарни келтириб чиқаради. Тақиқ 2016 йил 1 апрелдан бошлаб кучга киради.
Халқаро ташкилотнинг чеклов чоралари мажбурий кучга эга бўлмай, тавсия характеридаги ҳужжат ҳисобланади. Шунга қарамай, кўпчилик давлатлар одатда унинг тавсияларига амал қилади.
Изоҳ (0)