КХДР ҳамкорликдаги машқлар ўтказилгудек бўлса, Жанубий Корея ва АҚШга зарбалар бериши тўғрисида огоҳлантирди
Шимолий Корея март ойида АҚШ ва Жанубий Кореянинг ҳамкорликдаги ҳарбий машқлари ўтказилгудек бўлса, мазкур икки мамлакатга зарба бериши тўғрисида огоҳлантирди. Бу ҳақда «Газета.ru» хабар бермоқда.
Фото: AFP
КХДР армияси олий қўмондонлиги баёнотида ҳамкорликдаги ҳаракатлар ёки АҚШ ҳарбийлари жойини ўзгартириши аломатлари сезилса, армия «душман кучларига охирги одам қолгунича» қаршилик кўрсатиши билдирилган. Зарба бериш чоғида Жанубий Корея президенти Пак Кин Хе қароргоҳи ва АҚШ «асосий нишон» бўлиши маълум қилинган.
Эслатиб ўтамиз, олдинроқ АҚШ ва Жанубий Корея 2016 йили энг катта кўламдаги ўзаро ҳарбий машқларни ўтказиши ҳақида хабар берилганди.
Изоҳ (0)