Йил бошидан бери Европага Ўртаер денгизи орқали 110 мингдан зиёд муҳожир ва қочоқ келган, бу жараёнда 413 киши нобуд бўлган ёки бедарак йўқолган. Бу ҳақда Миграция бўйича халқаро ташкилот маълум қилди, дея хабар беради «ТАСС».
Ташкилот томонидан Женевада чоп этилган ахборотномада билдирилишича, 2016 йилнинг 1 январидан 23 февралига қадар Грецияга 102 547, Италияга эса 7507 нафар муҳожир ва қочоқ келган. Грецияга келиш асносида 321, Италияга йўл олганлардан эса 92 киши ҳалок бўлган ёки дараксиз йўқолган.
Ташкилот расмий вакили Итайи Вирирининг эслатишича, ўтган йили Европага келган муҳожирлар сони июль ойидагина 100 минг нафарга етган, январь—февраль ойларида эса 11 834 нафар қочоқ келганди.
Изоҳ (0)