KXDR hamkorlikdagi mashqlar o‘tkazilgudek bo‘lsa, Janubiy Koreya va AQShga zarbalar berishi to‘g‘risida ogohlantirdi
Shimoliy Koreya mart oyida AQSh va Janubiy Koreyaning hamkorlikdagi harbiy mashqlari o‘tkazilgudek bo‘lsa, mazkur ikki mamlakatga zarba berishi to‘g‘risida ogohlantirdi. Bu haqda “Gazeta.ru” xabar bermoqda.
Foto: AFP
KXDR armiyasi oliy qo‘mondonligi bayonotida hamkorlikdagi harakatlar yoki AQSh harbiylari joyini o‘zgartirishi alomatlari sezilsa, armiya “dushman kuchlariga oxirgi odam qolgunicha” qarshilik ko‘rsatishi bildirilgan. Zarba berish chog‘ida Janubiy Koreya prezidenti Pak Kin Xe qarorgohi va AQSh “asosiy nishon” bo‘lishi ma’lum qilingan.
Eslatib o‘tamiz, oldinroq AQSh va Janubiy Koreya 2016-yili eng katta ko‘lamdagi o‘zaro harbiy mashqlarni o‘tkazishi haqida xabar berilgandi.
Izoh (0)