Францияда ЮКОС иши бўйича Гаагадаги ҳакамлик суди қарорига кўра 1 миллиард евро миқдоридаги Россия активлари ҳатланди. Бу ҳақда компаниянинг собиқ мажоритар акциядорлари маълум қилган, дея хабар беради Meduza.
Жумладан, «Россия сегодня» халқаро ахборот агентлиги, «Госзагрансобственност» федерал давлат унитар корхонаси, Eutelsat компаниясининг «Космическая связ» федерал давлат унитар корхонаси олдидаги қарздорлиги, шунингдек, ушбу корхона назорат қиладиган Eutelsat акциялари, Arianespace ва Air France компанияларининг россиялик контрагентларга тўловлари ҳам ҳатланган.
2014 йил июнида Гаагадаги арбитраж суди Россиядан ЮКОС акциядорларига 50 миллиард доллар товон тўлашни талаб қилган, бироқ Россия расмийлари бундан бош тортганди.
Изоҳ (0)