Боливияликлар президент Эво Моралес яна бир муддатга сайланишига имкон бермади

Боливия фуқаролари 21 февраль, якшанба куни бўлиб ўтган референдумда президентлик муддати чекланиши бекор қилинишига қарши овоз берди. Бу ҳақда Meduza хабар бермоқда.

Овозларнинг 95 фоиздан зиёди ҳисоб-китоб қилиб бўлинган. Унга кўра, муддат бўйича чеклов бекор қилиниши учун сайловчиларнинг 36,66 фоизи, бунга қарши эса 63,34 фоиз киши овоз берган.

Мамлакат конституциясига ўзгартириш киритилганда Боливиянинг амалдаги президенти Эво Моралес 2019 йилда янги муддатга сайланиши мумкин бўларди. Референдум якунларига кўра ўзгармайдиган жорий конституцияга кўра эса президент ўз лавозимини фақат икки муддат эгаллаши мумкин.

Маълумот учун, Эво Моралес 2006 йилдан бери  мамлакатни бошқариб келади.