Ravon Matiz Россияда февраль ойидаги энг арзон автомобиль бўлди

Россиянинг таниқли таҳлилий агентликлари маҳаллий автобозорда 2016 йил февралида тақдим этилган энг арзон автомобиллар рўйхатини тузди, дея хабар бермоқда Daily-Motor.

Рейтингда биринчи ўринни Ravon Matiz модели эгаллади. Унинг энг оддий вариантини 314 минг рублга харид қилиш мумкин. Автомобиль 51 от кучига тенг 0,8 литрли мотор билан жиҳозланади.

Россиядаги энг арзон машиналар рўйхатида иккинчи ўринни Smily хэтчбеки (319 900 рубль), учинчи ва тўртинчи ўринларни эса бир хил қийматга эга Lifan Smily New ва Lifan Celliya (364 900 рубль) банд этди. Юқори ўнталикдаги бешинчи ўрин 389 900 рубллик Lada Granta седанига насиб этди.

Рейтингга, шунингдек, Lada Priora (389 минг рубль), Geely GC6 (389 минг рубль), Chery Bonus (389 900 рубль), FAW V5 (389 650 рубль), Renault Sandero (399 минг рубль) кирди.