GM Uzbekistan’нинг Россия бозори учун мўлжалланган Ravon Gentra автомобили январь ойида энг кўп сотилган седанлар ўнталигига кирди, дея хабар бермоқда «Svopi.ru». Ҳисобот ойида 957 та Ravon Gentra сотилди, бу 2015 йилнинг шу даврига нисбатан 1 фоизга камроқдир.
2016 йилнинг биринчи ойида россияликлар жами 1269 та автомобиль сотиб олган, бу ўтган йил январидаги кўрсаткичдан 37 фоизга кам демакдир.
Ravon модель қатори етакчиси бўлмиш Gentra седанини Россияда дилерлардан 439 000 рублга харид қилиш мумкин.
Айни пайтда Ravon мутахассислари Gentra рестайлинги устида иш олиб бормоқда, уни 2016 йилнинг иккинчи ярмида тақдим этишади. Март ойида Россия салонларида R2 (Spark) хэтчбеки ҳам пайдо бўлади.
Изоҳ (0)