Россия мудофаа вазирлиги армияни роботлаштириш концепциясини ишлаб чиқмоқда. Мазкур концепция автоматик жанговар роботлар яратиш ва улардан бошқарувнинг ягона тизимига бирлашган қисм ҳамда тузилмалар шакллантиришни назарда тутади. Бу ҳақда мудофаа вазири ўринбосари, армия генерали Павел Попов маълум қилди, дея хабар беради «РБК».
«Россиялик ҳарбийлар қуруқлик ва денгизда фойдаланиш учун мўлжалланган ўнлаб робототехник мажмуалар, юзлаб учувчисиз ҳаво қурилмаларини ишлатмоқда. Робототехникадан фойдаланиш биринчи галда ҳаёт учун хавфли вазифалар, жумладан, сапёрлик ишларини бажарадиган ҳарбий хизматчиларни алмаштиришга қаратилади», — дея таъкидлаган Попов.
2014 йили Россия мудофаа вазирлиги қурол-аслаҳалар тизимида роботлар улушини 30 фоизгача етказиш режасини эълон қилганди. Ҳозирда ҳарбий йўналишдаги қатор робототехник мажмуалар синовдан ўтказилмоқда. Хусусан, 2015 йил май ойида Новороссийскда «Уран» туридаги кўп функцияли робототехник мажмуалар синови бўлиб ўтди.
Изоҳ (0)