Марокаш махсус хизматлари террорчи гуруҳнинг 10 нафар аъзосини қўлга олди ва улар томонидан 19 февраль, жума куни амалга оширилиши режалаштирилган терактга чек қўйди. Бу ҳақда мамлакат суд текширувлари марказий бюроси директори Абдулҳақ Хиём маълум қилди, дея хабар беради «ТАСС».
Хиёмнинг таъкидлашича, қўлга олинган гуруҳни «ҳақиқий каллакесарлар тўдаси» сифатида баҳолаш мумкин. Маълумотларга кўра, терактни портловчи қурилма жойлаштирилган автомобилдан фойдаланган ҳолда 16 ёшли ўсмир амалга ошириши лозим бўлган. Гуруҳ аъзолари эса давлат муассасалари, фуқаролар ва ҳарбийларга ҳужум уюштиришни мўлжаллаган.
Мамлакатнинг айнан қайси шаҳрида теракт амалга оширилиши режалаштирилганига аниқлик киритилмаган.
Изоҳ (0)