Президентлик сайловларида ғолиб чиққан Уганданинг амалдаги раҳбари Йовери Мусевени 60 фоиздан зиёд овоз тўплади. Бу ҳақда мамлакат марказий сайлов комиссияси маълум қилди, дея хабар беради «ТАСС».
Мусевенига сайловчиларнинг 60,8, унинг асосий рақиби Кизза Бесижега эса 35,4 фоизи овозини олган. Сайловларда жами саккиз номзод иштирок этган. Тўртинчи бор президентлик сайловларида мағлубиятга учраётган Бесиже овоз бериш натижаларини тан олмаслигини билдириб, мустақил аудит ўтказилишини талаб қилмоқда.
Мусевени 1986 йилдан бери Угандани бошқариб келади. 71 ёшли сиёсатчи шу тариқа ўзининг 30 йиллик бошқарувини яна беш йилга узайтирди.
Изоҳ (0)