Россиянинг футбол бўйича «Локомотив» жамоаси ярим ҳимоячи Дмитрий Тарасовни Истанбулда Туркиянинг «Фенербахче»си билан бўлиб ўтган учрашувдан сўнг Россия президенти Владимир Путин тасвири туширилган футболкасини кўз-кўз қилгани учун 300 минг евролик жаримага тортди, дея хабар бермоқда «Чемпионат».
«Тарасовнинг маошидан 300 минг евро ҳамда футболчи февраль учун олиши мумкин бўлган барча бонуслар ушлаб қолинади», — деди манба.
Эслатиб ўтамиз, аввалроқ «Локомотив» Дмитрий Тарасовнинг Путин сурати туширилган футболкасини намойиш этишини йўл қўйиб бўлмайдиган ҳолат, деб ҳисоблашини маълум қилган эди.
«Фенербахче» билан учрашув якунлангач, Тарасов жамоа футболкасини ечган, шунда унинг остида Путиннинг ҳарбий либосда тушган сурати ҳамда «Энг хушмуомала президент» ёзуви жойлаштирилган бошқа футболка борлиги маълум бўлган эди.
Изоҳ (0)