Мадриднинг «Реал» клуби ҳужумчиси Криштиану Роналду яна «Барселона» ўйинчиси Лионель Месси билан «боғлиқ» нохуш дақиқаларни бошидан ўтказишига тўғри келди. Бу ҳақда «Чемпионат» хабар бермоқда.
Ҳодиса Италиянинг «Рома» жамоаси билан Европа Чемпионлар лигаси нимчорак финали доирасидаги ўйин давомида содир бўлди. Меҳмонда ўйнаган Зинедин Зидан шогирдлари 2:0 ҳисобида ғалаба қозонди, Роналдунинг ўзи эса чиройли гол муаллифи бўлди. Бироқ ҳар гал унинг оёғига тўп тушганда «Рома» мухлислари «Месси, Месси» дея баралла ҳайқириб, португалияликнинг жиғига тегди.
Ушбу жамоаларнинг жавоб ўйини 8 март куни Мадридда бўлиб ўтади.
Изоҳ (0)