ОПЕК ташкилотининг барча аъзолари ва Россия нефть қазиб олиш ҳажмини сақлаб қолиш ташаббусини ёқлаб чиқса, БАА ҳам бу ташаббусни қўллаб-қувватлайди. Бу ҳақа мамлакат нефть вазири Суҳайл ал-Мазруий маълум қилди, деб хабар беради «Интерфакс».
17 февраль, чоршанба куни Мосвка вақти билан 18:52 да (Тошкент вақти бўйича 20:52) Лондондаги ICE Futures биржасида Brent маркасининг апрель фьючерслари 5,8 фоизга ўсди ва баррелига 34,03 долларни ташкил қилди. Бу вақтда Нью-Йорк товар биржасида WTI маркасидаги нефтнинг март ойи учун нархлари 5 фоиздан кўпроққа ошди ва баррелига 30,5 доллардан савдо қилинди.
16 февраль, сешанба куни Россия, Венесуэла, Қатар ва Саудия Арабистони нефть қазиб олиш ҳажмини январь ойидаги даража билан сақлаб қолиш ташаббусини илгари сурганди. Эрон, Ироқ, Жазоир, Нигерия, Уммон ва Эквадор бу ташаббусни қўллаб-қувватлади.
Изоҳ (0)