Тошкентдаги «Бунёдкор» стадионида 17 февраль, чоршанба куни футбол бўйича 2016 йилги Ўзбекистон Суперкубоги учрашуви бўлиб ўтди. Унда Қаршининг «Насаф» жамоаси Тошкентнинг «Пахтакор» клуби устидан 1:0 ҳисобида ғалаба қозонди.
Учрашув тақдирини ҳал қилган ягона гол ўйиннинг 39-дақиқасида «Насаф» сардори Артур Геворкян томонидан урилди. «Насаф» ўз тарихида илк бор Ўзбекистон Суперкубоги соҳибига айланди.
Эслатиб ўтамиз, «Пахтакор» 2015 йилги Ўзбекистон чемпиони сифатида, «Насаф» эса 2015 йилги Ўзбекистон Кубоги соҳиби сифатида 2016 йилги Суперкубок учун майдонга тушди.
«Насаф» илк бор Суперкубок учун майдонга тушган бўлса, «Пахтакор» ўз тарихидаги учинчи Суперкубок учрашувида ҳам имкониятни бой берди. Бунгача Тошкент клуби 1999 йили «Навбаҳор»га (2:4), 2015 йили «Локомотив»га (0:4) мағлуб бўлганди.
Ўзбекистон Суперкубоги—201617 февраль, чоршанба
«Насаф» (Қарши) — «Пахтакор» (Тошкент) 1:0 (1:0)Гол: Артур Геворкян (39).
Изоҳ (0)