Футбол бўйича Ўзбекистон миллий терма жамоаси етакчиларидан бири Сервер Жепаров футзал бўйича Ўзбекистон миллий терма жамоаси ўйинчиларига ижтимоий тармоқлар орқали мурожаат қилди. Жепаровнинг мурожаати ОФКнинг Twitter’даги расмий саҳифасида эълон қилинди.
https://twitter.com/theafcdotcom/status/699901610772848641
Эслатиб ўтамиз, 17 февраль, чоршанба куни футзал бўйича Ўзбекистон миллий терма жамоаси Тошкент шаҳрида давом этаётган футзал бўйича Осиё чемпионати чорак финали доирасида Ироқ терма жамоасига қарши майдонга тушади. Тошкент вақти билан 16:00 да бошланадиган ўйин ғолиби Колумбияда бўлиб ўтадиган футзал бўйича жаҳон чемпионати йўлланмасини қўлга киритади.
«Ўз уйингизда ўйнаётганингизни, Сизни яқинларингиз кузатиб боришини унутманг. Уларга қувонч улашинг, токи яқинларингиз Сиз билан фахрлансин. Сизнинг мақсадингиз — бу жаҳон чемпионати», — деди футбол бўйича Ўзбекистон миллий терма жамоаси ярим ҳимоячиси.
Маълумот учун, Ўзбекистоннинг футбол бўйича миллий терма жамоаси ҳам, футзал бўйича миллий терма жамоаси ҳам жаҳон чемпионатларида бирор марта иштирок этмаган.
Изоҳ (0)