Рўза Қўзиева паралимпиячилар ўртасидаги пауэрлифтинг бўйича Жаҳон кубогида бронза медалини қўлга киритди

Шу кунларда Бирлашган Араб Амирликларининг Дубай шаҳрида пауэрлифтинг спорт тури бўйича Жаҳон кубоги мусобақаси ўтказилмоқда. Дунёнинг 42 давлати вакиллари иштирокида ўтаётган мазкур мусобақада ўзбекистонлик Рўза Қўзиева (-50 кг) бронза медалга сазовор бўлди. Бу ҳақда Ўзбекистон Миллий олимпия қўмитаси матбуот хизмати хабар бермоқда.

Жаҳон кубоги баҳсларида Ўзбекистон Миллий паралимпия термасининг яна икки вакили Ахрор Бозоров (-80 кг) ҳамда Нуриддин Давлатов (-107 кг) иштирок этади.

Мусобақалар 19 февралга қадар давом этади.