Истанбулда Туркиянинг «Фенербахче»си билан бўлиб ўтган учрашувдан сўнг Россия президенти Владимир Путин тасвири туширилган футболкасини кўз-кўз қилган Москванинг «Локомотив» жамоаси ярим ҳимоячиси Дмитрий Тарасов Европа кубокларининг камида ўнта матчини ўтказиб юбориши мумкин, деб ёзади «Интерфакс».
УЕФАнинг Интизом регламентининг 14-моддаси 7-бандига кўра, «мафкуравий, сиёсий ёки диний тарғиботнинг ҳар қандай шакли тақиқланади». Тарасов қоидаларнинг ушбу банди таъсирига учраши мумкин.
Ушбу модда бўйича ўйинчини ўнта матч ва ундан кўпроқ муддатга дисквалификация қилиш кўзда тутилган. Шу билан бирга, қоидабузарлик такрорланса, «Локомотив» ўйинни томошабинларсиз ўтказиши ва жарима сифатида 50 минг евро тўлаши керак бўлади.
Эслатиб ўтамиз, «Фенербахче» билан учрашув якунлангач, Тарасов жамоа футболкасини ечган, шунда унинг остида Путиннинг ҳарбий либосда тушган сурати ҳамда «Энг хушмуомала президент» ёзуви жойлаштирилган бошқа футболка борлиги маълум бўлган эди.
Изоҳ (0)