Toshkentdagi “Bunyodkor” stadionida 17-fevral, chorshanba kuni futbol bo‘yicha 2016-yilgi O‘zbekiston Superkubogi uchrashuvi bo‘lib o‘tdi. Unda Qarshining “Nasaf” jamoasi Toshkentning “Paxtakor” klubi ustidan 1:0 hisobida g‘alaba qozondi.
Uchrashuv taqdirini hal qilgan yagona gol o‘yinning 39-daqiqasida “Nasaf” sardori Artur Gevorkyan tomonidan urildi. “Nasaf” o‘z tarixida ilk bor O‘zbekiston Superkubogi sohibiga aylandi.
Eslatib o‘tamiz, “Paxtakor” 2015-yilgi O‘zbekiston chempioni sifatida, “Nasaf” esa 2015-yilgi O‘zbekiston Kubogi sohibi sifatida 2016-yilgi Superkubok uchun maydonga tushdi.
“Nasaf” ilk bor Superkubok uchun maydonga tushgan bo‘lsa, “Paxtakor” o‘z tarixidagi uchinchi Superkubok uchrashuvida ham imkoniyatni boy berdi. Bungacha Toshkent klubi 1999-yili “Navbahor”ga (2:4), 2015-yili “Lokomotiv”ga (0:4) mag‘lub bo‘lgandi.
O‘zbekiston Superkubogi—201617-fevral, chorshanba
“Nasaf” (Qarshi) — “Paxtakor” (Toshkent) 1:0 (1:0)Gol: Artur Gevorkyan (39).
Izoh (0)