Наманган вилоятидаги «Баркамол авлод» болалар ва ўсмирлар спорт марказида боксчи Муроджон Аҳмадалиевни тақдирлаш маросими бўлиб ўтди. Бу ҳақда вилоят ҳокимлиги хабар бермоқда.
Муроджон Аҳмадалиев бокс спорт тури бўйича 2015 йил Қатар пойтахти Доҳа шаҳрида бўлиб ўтган Жаҳон чемпионатида муносиб иштирок этиб, кумуш медаль соҳиби бўлди. Энг асосийси, жорий йилда Бразилияда бўлиб ўтадиган Олимпиада ўйинларига йўлланмани қўлга киритди.
Ёш авлодни ҳар томонлама қўллаб-қувватлаш, муносиб рағбатлантириш мақсадида «Баркамол авлод» болалар ва ўсмирлар спорт марказида Муроджон Аҳмадалиевнинг тақдирлаш маросими бўлиб ўтди. Унда вилоят ҳокими Хайрулло Бозоров иштирок этиб, навқирон авлодни спортга йўналтириш, бу борада амалга оширилаётган ишларни янада изчил давом эттириш лозимлигини таъкидлади. Тадбирда вилоят ҳокими Cobalt русумли автомашинани Муроджон Аҳмадалиевга тантанали равишда топширди.
Изоҳ (0)