Apple «1970 муаммосини» ечишга киришди

Apple сайтида илк шикоятлар пайдо бўлганидан уч кун ўтиб, компания носозлик билан боғлиқ фактни тасдиқлаб, хабар қолдирди, деб ёзади TJournal.

Унда компания хатолик бартараф этилган дастурий янгиланмани чиқаришни ваъда қилган, шунингдек, бундай муаммо юзага келган тақдирда кўмак марказига мурожаат қилишни тавсия этган.

Компаниядагилар носозлик сабабини ошкор қилмади.

Эслатиб ўтамиз, аввалроқ 64 битли процессорга эга iOS-қурилмалардаги сана 1970 йил 1 январга ўзгартирилса, улар ишламай қолиши хабар берилган эди.

1970 йил 1 январь UNIX ва POSIX’га мос келадиган операцион тизимларда вақтни ҳисоблаш нуқтаси ҳисобланади. Тахминлардан бирига кўра, iOS’даги носозлик шу билан боғлиқки, сана 1970 йил бошига ўтказилганида операцион тизим вақтнинг манфий қийматини қабул қилади.