Россия бош вазири Дмитрий Медведев келажакда, раҳбарлик лавозимларини тарк этгач, президент ва ҳукумат раҳбари лавозимида ишлаган вақтлари ҳақида батафсил гапириб беришини истисно қилмади, деб ёзади «Интерфакс».
«Балки қачондир бу ҳақда батафсил сўзлаб бераман. Бироқ ҳозирча ишлаяпман, ва бу қизиқарли иш», — деди Медведев Euronews телеканалига берган интервьюсида.
Унинг таъкидлашича, ушбу йиллар давомида кўплаб ёрқин хотиралар йиғилиб қолган. «Бу лавозим ҳам, униси ҳам жуда мураккаб ва жиддий… Саккиз йил давомида доимий драйвда яшаяпман. Мамлакат ичида ҳам жуда кўплаб ҳодисалар содир бўлди…» — деди у.
Ушбу йиллар давомида чет эл етакчилари билан олиб борилган алоқалар ҳақида гапирар экан, Медведев «биз баҳслашиш ва жанжаллашиш билан бирга, нималаргадир ҳам эришдик» деди ва Стратегик ҳужумкор қурол-яроғларни чеклаш тўғрисидаги битим тузилганини тилга олди.
Изоҳ (0)