Россия бош вазири Дмитрий Медведев Euronews каналига берган интервьюсида Россияга қарши санкциялар керакли натижани бермаётгани, шу сабабли Ғарб мамлакатлари мардлик кўрсатиб, улар бекор қилинадиган аниқ санани айтиши кераклигини маълум қилди, деб хабар беради «РБК».
«Буни биз ўйлаб топганимиз йўқ, биз уларни бекор қилишни бошламаймиз. Бизни кўп марта санкциялар билан қўрқитишди, бу санкцияларни совет даврида ҳам кўп марта киритишган. Бу ҳеч қачон ҳеч нимага олиб келмаган, фақат пул йўқотишган. Ҳозир ҳам худди шундай. Улар мардлик кўрсатиб, шундай дейиши керак: ‘Биласизми, йигитлар, биз барчасини мана бу санадан бошлаб якунлаймиз, сизлардан ҳам жавоб чораларини тўхтатишингизни сўраймиз’. Мана бу тўғри йўл бўлади», — деди Россия бош вазири.
Медведев санкциялар қабул қилингунча Россия ва Евроиттифоқ ўртасидаги савдо айланмаси 450 миллиард еврони ташкил қилганини айтди.
«450 миллиард евро! Ҳозир эса 217. Евроиттифоқда Россия учун турли маҳсулотлар ишлаб чиқарган кишилардан буларнинг бари уларга ёқаётган ёки ёқмаётганини сўраш керак», — деди Дмитрий Медведев.
Изоҳ (0)