АҚШ президентлигига номзодлар — Республикачилар партияси вакиллари миллиардер Дональд Трамп ва Флорида штати собиқ губернатори Жеб Буш теледебатлар чоғида Россиянинг халқаро майдондаги ўрни борасида тортишиб қолди. Бу ҳақда «Ведомости» хабар бермоқда.
Буш «Путин АҚШ иттифоқдоши бўлиши мумкин эмас, буни бутун дунё билади. У биз қўллаб-қувватлаётган қўшинларга ҳужум уюштирмоқда», — дея даъво қилган бўлса, Трамп «Жеб мутлақо ноҳақ. АҚШ ва Россия бир-бири билан ҳамкорлик қилиши керак. Сурияда миллиардлаб долларларни ўзимиз ҳам кимлигини билмайдиган кимсаларга сарфлаяпмиз», дея унга қарши чиққан.
АҚШ президентлигига сайловлар 2016 йил ноябрида бўлиб ўтади. Трамп бир неча бор агар уларда ғолиб чиқса, Россия ва АҚШ ўртасидаги муносабатларни йўлга қўйишини билдирганди.
Изоҳ (0)