Февраль ойи охирига қадар Ўзбекистоннинг камида 10 банки пластик картадан бошқа пластик картага пул ўтказиш имконини берувчи PayMe сервисига уланади. Бу ҳақда, Ягона умумреспублика процессинг маркази директори ўриносари Фаррух Зиёевга асосланиб, «Газета.uz» хабар бермоқда.
«Бошқа банкларни сервисга улаш ишлари якунига етганидан сўнг, турли банкларнинг карталари ўртасида пул ўтказмаларини амалга ошириш йўлга қўйилади», — деди Фаррух Зиёев. Ҳозирги вақтда банклар билан музокаралар олиб борилмоқда (банклар номи эълон қилинмаган).
ЯУПМ вакилининг сўзларига кўра, пластик карта эгалари 2016 йилнинг биринчи чораги охиридан бир пластик картадан бошқасига пул ўтказиш имконига эга бўлади. «Бизда техник томондан ҳаммаси тайёр», — деди Зиёев.
Маълумот учун, ҳозирги вақтда PayMe сервисига «Агробанк» ва «Алоқабанк» уланган.
Изоҳ (0)