«Агробанк» Ягона умумреспублика процессинг марказининг PayMe сервисига уланган Ўзбекистондаги иккинчи банк бўлди. Бу ҳақда «Газета.uz» хабар бермоқда.
Ушбу сервис жисмоний шахсларга бир банк доирасида пластик картадан бошқа пластик картага онлайн тартибида пул ўтказиш имконини беради. Мазкур хизмат дастлаб «Алоқабанк» томонидан таклиф этилган эди.
Картадаги пулни Uzcard миллий тўлов тизими сайтидаги персонал кабинетдан ёки Uzcard мобил дастуридан ўтказиш мумкин. Бир ойда 1 миллион сўмгача пул ўтказиш/қабул қилиш мумкин. Ҳар бир ўтказмадан 2 фоиз миқдорида ҳақ олинади.
Изоҳ (0)