Алкоголь ва тамаки маҳсулотларини сотиш билан шуғулланадиган савдо нуқталари сотувчиларига 20 ёшдан кичик кўринган харидорлардан ёшини тасдиқловчи ҳужжат тақдим этишни талаб қилиш мажбуриятини юклаш режалаштирилмоқда, деб ёзади «Газета.uz». Ҳужжат бўлмаса, бундай харидорларга маҳсулот сотишдан бош тортилади.
Чакана савдо қоидаларига киритиладиган тегишли тузатишлар ва бошқа ҳужжатлар Соғлиқни сақлаш вазирлиги томонидан тайёрланди. Ҳужжатлар лойиҳалари (1, 2) Ўзбекистон интерактив давлат хизматлари ягона порталида эълон қилинди.
Ҳужжатларда таъкидланишича, ўзгартиришлар фуқаролар, аввало, 20 ёшга тўлмаганлар соғлиғини алкоголь ва тамаки маҳсулотларининг салбий таъсиридан сақлашга қаратилган.
Қоидаларга, шунингдек, алкоголь ва тамаки маҳсулотларини савдо автоматлари орқали сотишни ҳамда алкоголь ва тамаки маҳсулотларига ўхшаш кўринишдаги болалар ўйинчоқлари ва ширинликларини сотишни тақиқлашни киритиш режалаштирилмоқда.
Изоҳ (0)