Ўзбекистонда 2016 йили Matiz русумидаги 17,2 мингта автомобиль Россия Федерациясининг сертификатлаш талаблари даражасига етказилади. Бу масалада Жанубий Кореянинг GM Korea компанияси томонидан инжиниринг хизмати кўрсатилади, дея хабар беради «Review.uz».
Шу йил августида чиқарила бошланганига 15 йил тўладиган ушбу модель Россия бозоридаги энг арзон автомобиллар рейтингида январь ойида ҳам пешқадамликни сақлаб қолди.
«Ўзавтосаноат» АК маълумотларига кўра, 2015 йилда компания корхоналари томонидан 7482,4 миллиард сўмлик маҳсулот ишлаб чиқарилган. Жами ишлаб чиқариш ҳажмида халқаро стандартларга мувофиқ сертификатланган маҳсулотлар улуши 99,9 фоизни ташкил этган.
2016 йилда Ўзбекистон автомобиль ишлаб чиқарувчилари 7 миллион долларлик инвестициядан 2,24 миллионини ўзлаштириши кўзда тутилган.
Изоҳ (0)