Volkswagen АҚШда 680 мингта автомобилни хавфсизлик ёстиқларидаги нуқсон туфайли қайтариб олади

Volkswagen концерни АҚШда 680 мингга яқин автомобилни Япониянинг Takata компанияси томонидан  ишлаб чиқарилган хавфсизлик ёстиқларидаги нуқсон туфайли қайтариб олади, дея хабар бермоқда «ТАСС».

Сервис акцияси 2006 йилдан 2014 йилгача бўлган даврда чиқарилган Passat, Eos, Golf ва Jetta моделларига тегишли бўлади. Носоз хавфсизлик ёстиқлари йўл-транспорт ҳодисаси чоғида нотўғри очилиши ёки ҳатто салондаги кишига қарата металл бўлакларини отиши мумкин.

Нашр эслатишича, аввалроқ АҚШда Германиянинг яна бир автомобиль компанияси — Daimler 705 мингта енгил автомобиль ва 136 мингта минивэнни қайтариб олишга қарор қилган эди.