Chevrolet компанияси Camaro купесининг трек версиясини тақдим этди (фото)

Chevrolet компанияси янги авлод Chevrolet Camaro купесининг трек версияси —1LE’ни тақдим этди. Бундай комплектация илк бор V8 эмас, V6 моторига эга бўлади, дея хабар бермоқда «Motor».

1LE версияси 335 от кучи бўлган «олтилик»ка (3.6) эга LT ва 455 от кучи бўлган «саккизлик»ка (6.2) эга SS учун таклиф этилмоқда. LT версияси SS элементларига эга спорт подвескаси ва SS ёқилғи тизими, двигатель ва трансмиссияни қўшимча совутиш, тўрт поршенли Brembo тормози, шунингдек, 20 дйюмли ғилдирак дисклари билан жиҳозланган.

SS модификациясига эса Magnetic Ride подвескаси, электрон дифференсиал, двигатель ва узатиш қутисини қўшимча совутиш, махсус чиқариш тизими, олти поршенли Brembo тормози, 20 дюймли ғилдирак дисклари ўрнатилган.

Трек версияларининг динамик хусусиятлари ҳозирча маълум қилинмаган.