Озарбайжонда валюта маблағлари мамлакат ташқарисига ўтказилаётганда унинг 20 фоизини ушлаб қолиш тўғрисидаги қонуннинг кучга кириши кечиктирилди. Мамлакат президенти Илҳом Алиев қонун лойиҳасини имзолашдан бош тортди ва уни парламентга қайтарди, деб хабар беради «РБК».
Ушбу қонуннинг кучга киришига йўл қўймаслик қарори инвестор ва тадбиркорларнинг кўп сонли мурожаатларини инобатга олган ҳолда қабул қилинди.
Капиталлар ҳаракатини қисман назорат қилиш ва банк депозитларини мажбурий суғурта қилишни ҳам инобатга олган қонун лойиҳаси 19 январь куни парламентнинг фавқулоддаги сессиясида қабул қилинган эди. Хорижда кўчмас мулк, қимматбаҳо қоғозлар сотиб олиш ва тўғридан-тўғри инвестициялар киритилиши учун валюта транзакцияларидан 20 фоизлик йиғим йиғиш таклиф қилинганди. Шунингдек, йил давомида пул ўтказмалари 50 минг доллардан ошганида ҳам шундай сумма йиғиш таклиф этилганди.
Таҳлилчиларнинг фикрига кўра, валюта назоратини кучайтириш хорижлик инвесторларга қийинчиликлар туғдириши мумкин эди.
Изоҳ (0)