Шифокорлар Финляндия ҳудудида Зика вируси билан касалланган икки кишини аниқлади, дея хабар бермоқда «РБК» Саломатлик ва аҳолини ижтимоий ҳимоя қилиш миллий институтига таяниб.
Институт катта илмий ходими айтишича, биринчи бундай ҳолат ўтган йил ёзида аниқланган, ўшанда Бразилияда касалликнинг биринчи авжи қайд этилган эди.
Зика вирусини юқтирган иккинчи киши эса яқинда аниқланган. Ҳар иккала бемор ҳам Финляндияга Жанубий Америкадан келгани айтилмоқда, бошқа тафсилотлар эса маълум қилинмади.
Эслатиб ўтамиз, аввалроқ Хитойда Зика вируси юқиши билан боғлиқ илк ҳолат қайд этилгани хабар берилган эди.
Изоҳ (0)