Ўзбекистон олий ўқув юртларининг бир гуруҳ ёшлари 9 ва 14 февраль кунлари Алишер Навоий ва Заҳириддин Муҳаммад Бобур таваллуд айёми муносабати билан виртуал акция ўтказишни режалаштирмоқда.
Акция шартларига кўра, 9 февраль куни соат 9:00 дан бошлаб Twitter ижтимоий тармоғида фойдаланувчилар #Navoiy575, 14 февраль куни соат 14:00 дан бошлаб эса #BoburDay ҳештеги билан пост қилиши лозим бўлади.
Facebook ва Instagram фаоллари ҳам постларида ҳештегларни ишлатган ҳолда ушбу тадбирга ўз ҳиссаларини қўшиши мумкин.
Эслатиб ўтамиз, ўзбекистонлик Twitter фойдаланувчилари бунгача уч марта – 2012 йили Ўзбекистон Мустақиллигининг 21 йиллиги арафасида #uzb21, 2013 йили Мустақилликнинг 22 йиллиги арафасида #uzb22, 2014 йили эса ўзбекистонлик ФИФА рефериси Равшан Эрматовга бағишланган #IrmatovBest ҳештегларини жаҳон тренди даражасига кўтарган эди.
Изоҳ (0)