КХДР бешинчи ядро синовини ўтказишга тайёргарлик кўрмоқда. Бу ҳақда Жанубий Корея миллий разведка хизматига таяниб, Yonhap маълум қилди, дея хабар беради «ТАСС».
Пхеньян 2006, 2009 ва 2013 йилларда ядро синовини ўтказган. Шундан сўнг БМТ Хавфсизлик Кенгаши, АҚШ, Япония ва Жанубий Корея КХДРга нисбатан турли санкциялар жорий этганди.
Охирги, тўртинчи ядро синови жорий йилда қайд этилди: 6 январда Пхеньян водород бомбаси муваффақиятли равишда синовдан ўтказилганини эълон қилди. 7 февраль куни эса КХДР сунъий йўлдоши бўлган ракетани учирди.
Изоҳ (0)