Тошкент вилояти ҳокими Аҳмаджон Усмонов лавозимидан озод этилди. Бу ҳақда «Ўзбекистон» телеканали «Ахборот» информацион дастурида хабар берилди.
4 февраль, пайшанба куни халқ депутатлари Тошкент вилоят Кенгашининг навбатдан ташқари сессияси бўлиб ўтган. Унда Ўзбекистон Президенти Ислом Каримов қатнашган, сессияда ташкилий масала кўрилган.
Хабар беришларича, халқ депутатлари Тошкент вилоят Кенгашининг қарорига мувофиқ шу кунгача Зангиота туманига ҳокимлик қилиб келган Содиқ Абдуллаев вилоятнинг янги ҳокими этиб тасдиқланган.
Шу куннинг ўзида Ўзбекистон Президенти Ислом Каримов Содиқ Абдуллаевни Тошкент вилояти ҳокими этиб тайинлаш тўғрисидаги фармонни имзолаган.
Шу билан бирга, Ўзбекистон Президентининг бошқа фармонига мувофиқ, вилоятнинг аввалги ҳокими Аҳмаджон Усмонов ўз лавозимидан озод этилди.
Изоҳ (0)