«Тошшаҳартрансхизмат» акциядорлик компанияси Тошкент шаҳридаги жамоат транспортларига замонавий ахборот-коммуникация технологияларини жорий қилиш доирасида автобусларга Wi-Fi бўйича симсиз интернет хизматини киритмоқда. Компания матбуот хизмати хабарига кўра, яқин вақтлар ичида бу хизмат 51 ва 28-рақамли автобусларда ҳам пайдо бўлади.
Интернет-хизмат мавжуд бўлган ҳар битта автобус эшикларига буни билдирувчи белгилар осиб қўйилади. Фойдаланувчилар мобил қурилмаларида тегишли тармоқни кўриши ва унга бутунлай бепул уланиши мумкин. Автобусларда Wi-Fi иккита тармоқдан иборат бўлади.
Компания интернет-хизматни узоқ масофаларда юқори тезликли алоқани таъминловчи 4G LTE замонавий технологияси асосида тақдим этишни режалаштирмоқда.
Эслатиб ўтамиз, 3 февраль куни «Тошкент» вокзалидан «ТТЗ» бозорига қадар қатновчи 14-йўналишдаги автобуслар Wi-Fi билан таъминлангани ҳақида хабар берилган эди.
Изоҳ (0)