Ўзбекистон Марказий сайлов комиссиясида 4 февраль, пайшанба куни комиссия раиси Мирзо-Улуғбек Абдусаломов раҳбарлигида мажлис бўлиб ўтди. Бу ҳақда МСК матбуот хизмати хабар берди.
Мажлисда Ўзбекистон Олий Мажлисининг Сенати аъзоси Аҳмаджон Усмоновнинг халқ депутатлари Тошкент вилояти Кенгаши депутати ваколати тугатилганлиги муносабати билан унинг сенаторлик ваколатини муддатидан илгари тугатиш тўғрисида масала кўриб чиқилди ва тегишли қарор қабул қилинди.
Маълумот учун, Аҳмаджон Усмонов Тошкент вилоятидан Олий Мажлис Сенатига сайланган бўлиб, Сенатнинг Қонунчилик ва суд-ҳуқуқ масалалари қўмитаси аъзоси эди. «Ўзбекистон Республикаси Олий Мажлисига сайлов тўғрисида»ги қонуннинг 61-моддасига мувофиқ, бўшаб қолган ўринларга сенаторларнинг сайлови ҳудудий давлат ҳокимияти вакиллик органлари депутатларининг тегишли қўшма мажлисларида ўтказилади.
Эслатиб ўтамиз, 4 февраль, пайшанба куни Ўзбекистон Президенти Ислом Каримов Тошкент вилояти ҳокими Аҳмаджон Усмоновни лавозимидан озод этиш тўғрисидаги фармонни имзолади. Шу куни Содиқ Абдуллаев Тошкент вилоятининг янги ҳокими этиб тайинланди. У бунгача вилоятнинг Зангиота туманига ҳокимлик қилиб келаётган эди.
Изоҳ (0)