Америкалик онанинг эгизак қизлари билан тушган сурати интернетни ларзага келтирди. Гап шундаки, фойдаланувчилар суратда кимнинг ким эканлигини аниқлай олмай ҳалак, дея хабар беради «Газета.ru».
Январь ойи охирида Кейлан Махомс Twitter’да оилавий суратни жойлаштирди ва унга «Ойим, эгизагим ва мен», дея изоҳ қолдирди. Ҳозиргача у 31 мингдан зиёд «лайк» тўплашга улгурди.
CNN ушбу суратни «Уларнинг уччаласи ҳам эгизакка ўхшайди» деб шарҳлади ва фойдаланувчилар унда акс эттирилганлардан қай бири она эканлиги устида бош қотираётганини билдирди.
Тўсатдан машҳур бўлиб кетган Индианаполисда яшовчи оила Instagram’да ҳам саҳифа очди. Ундаги изоҳлардан бири бу учликдан ким эгизакларнинг онаси эканлигини тахмин қилишга имкон беради.
Изоҳ (0)