Патриарх билан учрашадиган папа, Эрдўғон билан учрашмайдиган Путин, 6565-ўриндаги ЎзМУ ва куннинг бошқа муҳим янгиликлари

5 февралнинг эътиборга молик янгиликлари — «Дарё»нинг кечки дайжестида.

1. Рим папаси тарихда илк бор Рус православ черкови раҳбари билан учрашади. Айтишларича, «учрашув Гаванадаги Хосе Марти номли халқаро аэропортдаги шахсий суҳбат ва қўшма декларация имзоланишини ўз ичига олади».

2. Путин Туркия президенти билан учрашишдан бош тортди. Олдинроқ Эрдўғон Россиянинг Су-34 самолёти Туркия ҳаво ҳудудига бостириб киргани туфайли Владимир Путин билан учрашмоқчи эканлиги тўғрисида хабар берилганди.

3. Тошкент вилояти собиқ ҳокими Аҳмаджон Усмоновнинг сенаторлик ваколати тугатилди. Аҳмаджон Усмонов 4 февраль куни Тошкент вилояти ҳокимлигидаги ўрнини ҳам бўшатганди. Ҳа-я, яна бир депутатнинг ваколати тугатилган.

4. Ўзбекистонда пластик карта орқали тўлов тизими вақтинчалик носозликдан сўнг яна ишлаб кетди. 07:10 дан 12:15 гача тўлов терминал тармоғи ва процессинг маркази ўртасида алоқа узилган, бунга фаол тармоқ ускунасининг ишламай қолиши сабаб бўлган.

5. Ўзбекистон Миллий университети сайти дунё олий ўқув юртлари сайтлари рейтингида 6565-ўринда қайд этилди. Жуда паст ўрин эмас бу, муҳими, бизнинг университет кучли 7000 таликда, рейтингда жами 24 мингта олий ўқув муассасаси бор.

Бонус, бонус! Аввал тест: Атрофимиздаги олам ҳақида қанчалик билимга эгасиз? Кейин топишмоқ: Автобус қайси томонга кетяпти?