Россия Федерациясининг собиқ бош вазири Михаил Касьянов Федерал хавфсизлик хизматига Чеченистон раҳбари Рамзан Қодировнинг устидан ариза берди, деб хабар қилади Meduza.
У Қодиров Instagram’даги саҳифасига Касьянов снайпер нишонига олинган видеони жойлаштирганлиги учун жиноят иши қўзғатишни талаб қилмоқда.
Юқоридаги каби ариза 3 февраль, чоршанба куни Россия Федерацияси Тергов қўмитасига ҳам берилади.
Эслатиб ўтамиз, 31 январь куни Рамзан Қодиров Халқ озодлиги партияси етакчиси Михаил Касьянов «нишонга олинган» видеони Instagram’даги саҳифасига жойлаштирган эди. 1 февраль куни ушбу видео Instagram қоидаларини бузган деб топилиб, Қодировнинг саҳифасидан ўчирилган эди.
Изоҳ (0)