Оилавий сабабларга кўра истеъфо берган Россиянинг Тула вилояти губернатори Владимир Груздев ўрнига Россия қаҳрамони Алексей Дюмин губернатор вазифасини бажарувчи этиб тайинланди. Бу ҳақда Meduza хабар бермоқда.
Дюмин 2014 йилгача Федерал қўриқлаш хизматида ишлаган ва Россия президенти Владимир Путиннинг хавфсизлигини таъминлаш билан шуғулланган. 2014 йилда Қримнинг Россияга қўшиб олинишида муҳим ўрин тутган ёпиқ бўлинма — Махсус операциялар кучларини бошқарган ва Украина президенти Виктор Януковичнинг Россияга эвакуация қилинишига бош-қош бўлганди.
Путин мазкур операцияга юқори баҳо берган ва кўп ўтмай Дюмин Қуруқликдаги қўшинлар бош штаби бошлиғи этиб тайинланганди.
Изоҳ (0)