«Космик инфратузилманинг ердаги объектлари эксплуатацияси маркази» Федерал давлат унитар корхонаси (Россия космодромлари) «Бойқўнғир» ва «Восточний» космодромларида ердаги космик туризмни ривожлантириш лойиҳаси доирасида ҳамкорлик йўлга қўйилувчи сайёҳлик операторлари рўйхатини тузиб чиқди. Бу ҳақда «Роскосмос» хабар беради.
40 дан ортиқ сайёҳлик операторлари «Бойқўнғир» ва «Восточний» космодромларига саёҳатларни ташкил этиш имкониятини қўлга киритади. Улардан 26 таси Россия ҳудудидаги сайёҳлик оператори, еттитаси Қозоғистон ва биттаси Ўзбекистоннинг сайёҳлик операторидир.
«Ердаги космик туризмни ривожлантириш космосни оммалаштириш ва ушбу соҳа фаолиятига қизиқишни оширишга имкон беради», — дейди «Космик инфратузилманинг ердаги объектлари эксплуатацияси маркази» ФДУКнинг бош директори вазифасини бажарувчи Раъно Жўраева.
Рўйхатга киритилмаган сайёҳлик компаниялари космодромларга сайёҳлик ташрифларини ташкил эта олмайди.
Изоҳ (0)